Рашпунцаг. Болор эрих (тэргүүн дэвтэр) ᠷᠠᠰᠢᠫᠥᠩᠴᠥᠬ᠂ ᠪᠤᠯᠤᠷ ᠡᠷᠢᠬᠡ

Монголын Үндэсний хэл бичгээрхи түүхийн сурвалж дотор агуулга ба бичлэгийн арга барилаар эрхгүйеэ онцгойрох нэгэн шилдэг туурвил нь даруй Рашпунцагийн "Болор эрих" бүлгээ. Рашпунцаг бол Чингис хааны алтан ураг, Батмөнх Даян хааны тавдугаар хөвгүүн Алчуболдын есдүгээр үеийн ач болно. Эцэг Цэрэндаржаа нь Бээжингийн Цян-чин-мэнь хаалганы шадар хиагийн албыг дөч илүү жил хашсанаас үзвэл, төрд итгэл олсон, бас ч боловсролтой нэгэн байсан бололтой. Ийнхүү Бээжинд олон жил сууж байсан нь Рашпунцагийн монгол, манж, хятад, төвд хэлийг эзэмшин, олон хэлний судар номтой танилцахад их л дөхөм болсон би зээ . Шадар хиа Цэрэндаржаагийн ууган хөвгүүн Арташид, удаах хевгүүн Лувсанданзан, отгон хөвгүүн нь Рашпунцаг буюу.